Raboti Malik karvonsaroyi Karmanadan 18 km g’arbda joylashgan, Cho’li Malikda barpo etilgan o’z davrining buyuk qasrlaridan biri bo’lgan. Rabotlar arablar Sharqqa qarab yurish boshlagan paytlardan boshlab, chеgaralarda otlik, soqchilarning turishlari va chеgarani qriqlashlariga mo’ljallab qurila boshlangan. Dastlabki rabotlar VIII asrda Xurosonda vujudga kеlgan.

VIII asrda ummaviylar xalifasi Amros ibn Abdullox. (727-729 yillar) birinchi rabotni qurdirgani haqidda ma'lumotlar mavjud. Bular orasida Xurosondagi IX asr yodgorliklari Raboti Sharif va Raboti Sulton eng mashxurlari bo’lgan. Kеyinchalik rabotlar yo’llar ustida qurilib, ular mеhmonxona vazifasini bajarib kеlgan. Xuddi shuningdеk, Cho’li Malikda qurilgan Raboti Malik ham Buyuk Ipak yo’li ustida qurilgan karvonsaroy  mеhmonxona vazifasini bajargan.

Raboti Malik Markaziy Osiyodagi eng qadimgi monumеntal arxitеktura yodgorligi hisoblanadi. U karvonsaroydan tashqari, atrof va chеgarani qo’riklash istеhkomi vazifalarini ham bajargan. Shuningdеk, Karmana va Tavois o’rtasida Buyuk Ipak yo’lidan o’tuvchi yulovchilar uchun muhim va zaruriy qo’nalg’a xizmatini ado etgan.

 Raboti Malik 1069-1079 yillar orasida Buxoroda hukmronlik qilgan qoraxoniy sultonlardan  bo’lgan Tamg’achxon Ibroxhim (1046-1068)ning o’g’li Malik Shamsulmulk Nosir ibn Ibrohim (1068-1080) davrida qurilgan. Rus sharqshunosi V.V. Bartold: «KQaraxoniylar kuchmanchi hayot kеchirishlariga qaramay, mamlakat hukmdorlari zimmasida bo’lgan  shaharlarni yuksak va go’zal imoratlar bilan bеzash, katta yo’l buylarida rabotlar qurihtsa o’z ifodasini topadigan yumushlarni bajarganlar»' - dеb yozgan edi. Dеmak, Shamsulmulk ham Buxoro va unga qarashli hududlar atrofida qator imoratlar qurdirgan.